汾江河茶话

　　(来的都是客，全凭嘴一张)

　　话题：顺德驾校报名费突涨千元的传言引起市民关注。记者调查发现，大良部分驾校已向报名者报出4300元的培训价。昨日，顺德区发展改革规划与统计局和区环境交通运输和城市管理局有关负责人表示，目前驾校报名费不存在统一涨价的行为。(详见昨今两日本报佛山读本)

　　主持：西风

　　编译：部落

　　聊神：逍遥生秦恶少，欧阳绍，顺德神父，豪，鱼生石，大脸猫，落花人独立，张二，恺霆琥，草根，暗影之刺等

　　逍遥生秦恶少：以考试难度将增加为由，学车费用普涨500-1000蚊，呢个借口好荒唐。去年考九选三，我半坡起步唔小心挂咗，要补考。受教练嘅唆使，交咗500蚊俾驾校，当场就通过咗。自从我考咗驾照以后，我认为增加难度绝对系好事嚟嘅。

　　草根：价格涨降虽系市场决定嘅，但此道昌盛难脱“获利”二字。如今有关部门开始对学车进行规范化管理，正进行“收权”，此番涨价有垄断之嫌。

　　豪：听讲要整治驾校，估计又系搞垄断啦。唔通连红包都涨咗价？以前好似每个红包系300蚊。不过十年前我考车要花6000蚊，依家睇嚟4300蚊都唔算贵啊。

　　暗影之刺：涨价倒唔使惊，就怕价格上咗去以后，考试内容冇变化，加价唔加量，又会培育出一帮马路杀手……按例说，即便要遏制目前嘅交通事故发生率，或者成倍增长嘅路面拥堵，提高驾培门槛有小小嘅功效。但对机动车上牌限制嗰方面应该先系大头噶。

　　落花人独立：这一部分钱最后落到边个手中？唔通系市财政差呢一啲小钱？仲系为咗控制更多人学车上路？增加难度同规范管理，系对群众生命财产负责任嘅好事，就睇可唔可得到落实啦。既然官老爷都话要涨价，我等小民只得交钱啦。

　　鱼生石：我旧年考嘅，人哋系2900蚊，我系3500蚊，但享受咗专人专车嘅待遇，遇到嘅教练不错，虽然教嘅也都系应付考试嘅技巧，但仲系学到咗一点基础。教练讲得好，唔止要识揸车，仲得通得过考试。关键系，可唔可以揾到比考试更好嘅办法来代替佢。有咩？

　　欧 阳绍：其实呢单嘢喺物价主管部门冇权威说法之前，一些驾校招生点同驾校培训部私自放风，涨价嘅信息其实系喺误导，呢啲都应该成为3·15期间消委会重点关 注嘅嘢。突增嘅1000蚊价格，会让消费者选择喺依家报名，但驾培真嘅就需要4000多蚊咩？利润及成本点样算，好多人喺报名之前根本就冇了解清楚。驾校 都唔会俾出足够嘅消费信息。云里雾里间，消费者嘅选择系通过“口碑”同周围人嘅推荐嚟决定消费行为嘅，呢种突然激增嘅消费质量如何得到保证……